Микроскоп, печатари и друга нова опрема за практична настава во ОУ„Единство“

Со странски донации во основното училиште „Единство“ во Гостивар ќе се подигнува квалитетот на практичната настава. Училиштето е добитник на два гранта, од УСАИД и од швајцарска влада. „Парите од УСАИД ќе се искористат за кабинетот по ликовно  образование и за реализација на часовите по предметот граѓанска култура. Швајцарската донација е наменета главно за кабинетот по биологија и се состои од микроскоп и четири печатари, како и од елки за декорација на ходниците и другите училишни простории“, информираат од општина Гостивар.

Во ова училиште во тек се и обуки на наставници за проектот Нансен за интеркултурно образование, преку кој установата треба да стане модел училиште.

Во ОУ “Единство” Гостивар настава следат 1.300 ученици, на три наставни јазици: албански, македонски и турски.