Министерство за труд: Повисоки плати за вработените во градинките за 16%

Со измените и дополнувањата на Законот за заштита на децата за 16 % се зголемуваат платите на воспитувачките, негователките, стручните работници и соработници, соопшти Министерството за труд и социјала и додаваат дека се зголемуваат и платите на помошно-техничкиот пероснал со Колективен договор потпишан со синдикатот.

Исплатата на зголемените плати, според најавите ќе започне со исплатата на јунската плата во текот на месец јули.

„Градинката е место каде штовзапочнува развојот на детето. Тука децата го осознаваат светот, тука ги градат темелите на нивниот понатамошен развој и напредок. Токму затоа, ние продолжуаме да инвестираме во нови објекти, но и во кадрите кои се грижат за нашите најмлади и целокупниот квалитет на предучилишното образование.“, велат од МТСП.