Министерството ги повика аптекарите да се пријават за работа во селата

Министерството за здравство упати повик до заинтересираните здравствени работници и приватни здравствени установи да достават – Писмо за интерес за вршење здравствена дејност во мрежата на здравствени установи во дејностa аптеки во примарна здравствена заштита или аптеки/аптекарски станици во населено место во рурална средина со најмногу 3.500 жители со постојано место на живеење на ниво на примарна здравствена заштита.

Во писмото за интерес треба да се наведат:име и презиме на здравствениот работник или назив на здравствената установа кои се заинтересирани за вршење здравствена дејност, место (село или населено место) и општина за кои постои интересот и број на аптеки за кои постои интересот.
Пријавите се доставуваат во архивата на Министерството за здравство, најдоцна до 31 јануари.