Младинска еколошка организација ќе спроведува еко-активности во Гостивар

Општина Гостивар денес потпиша Меморандум за соработка со Еколошката организација за млади – EYO.

Целта на овој Меморандум е да обезбеди рамка во која ќе бидат презентирани предлози и програми за соработка помеѓу општината и организацијата, во областа на заштитата на животната средина, социјална инклузија на младите, подигање на свеста кај младите луѓе преку спроведување на активности за соработка и програми од областа на екологијата.

„Взаемната соработка ќе се реализира во разни домени, а посебно внимание ќе се посвети на подигнување на свеста кај младите за заштита на природата и животната средина преку дебати, интерактивни дискусии и предавања од експерти од оваа област. Исто така, се предвидува интеракција преку преку состаноци и конференции, чистење и одржување на јавни простории, садење дрвја, цвеќиња, подобрување на зелените површини и други активности во областа на заштитата на животната средина.“, соопштија од локалната самоуправа