Мобилниот даночен шалтер на УЈП месецов во Маврово и Ростуше и Врапчиште

Управата за јавни приходи во текот на месец март, неколкупати ќе постави мобилен даночен шалтер за жителите на општина Маврово и Ростуше и Врапчиште.

Според распоредот објавен од УЈП, првиот датум за Маврово и Ростуше е определен за 15 март, додека Врапчиште ќе го посети на 19 март, а специјално опремените комбиња се поставуваат пред општинските згради во местата во периодот од 10 до 14 часот.

Даночниците секој месец ги посетуваат населените места каде Управата нема постојани даночни канцеларии, како и локации кои дополнително можат да се утврдат во соработка со општините и потребите на локалното населиние и бизниси. Граѓаните и фирмите, без да го напуштат своето место на живеење или седиште, можат да ги добијат сите даночни услуги и информации преку мобилните шалтери, да ги достават сите видови на даночни пријави, барања  како и да ги подигнат сите документи што ги издава Управата“, наведуваат од УЈП.

Мобилниот даночен шалтер ќе биде во општина Маврово Ростуше и на 22 и 29 март.