МВР кривично гони две лица и фирма заради дивоградба во Гостивар

Надворешната канцеларија за криминалистички работи Гостивар поднесе кривична пријава против 55 годишен гостиварец и 53 годишен жител на Долна Бањица како и против правно лице, градежна компанија со седиште во Гостивар, за сторено кривично дело „бесправно градење“.

Како што стои во информацијата од МВР, во април 2018 година доставена е преставка од група граѓани, за градба на повеќе објекти во град Гостивар за кои инвеститорите не поседуваат соодветна документација. „По преземени мерки и активности, констатирано е дека во Гостивар на улица „18 Ноември“ населба шеста зона, првопријавениот во својство на инвеститор, а второпријавениот во својство на изведувач, кој е сопственик на градежната компанија, без одобрение за градба имаат изградено куќа.“, соопшти полицијата.