Над половина од корисниците на МојДДВ ги добиле првите пари, останатите до крај на месецов

Управата за јавни приходи информира дека исплатата од повратот на ДДВ од првото тримесечје се уште е во тек, согласно Законот за враќање на дел од ДДВ кај физичките лица со којшто е предвидено исплатата да се изврши до 31.12.2019 година.
„Воедно апелираме до граѓаните да проверат дали внеле точен број на трансакциска сметка и доколку има потреба навремено да направат корекции преку апликацијата. Досега 15 % поврат од пресметаниот ДДВ за месеците јули, август, септември 2019 година е исплатен кај над 50 % од корисниците“, соопшти УЈП.

Инаку, пред два дена започна и наградната игра „Мој ДДВ- Моја награда„. Со секое скенирање на фискална сметка, секој полнолетен граѓанин е потенцијален добитник на наградите со вкупен фонд од половина милион евра. Секој ден ќе се доделуваат 10 дневни награди од кои 4 од по 1.000 денари, 3 од по 2.000 денари и 3 од по 3.000 денари. Недобитните сметки од дневниот циклус ќе влезат во месечното извекување за 15 награди од по 100.000 денари како и за двете главни премии од 3.000.000 денари.