НАЈЧИТАНИ ВО 2020: Гостиварката Хатије Исмаили прогласена за најдобар лекар во Словенија

На опашката сме од оваа 2020-та година и редно е да се потсетиме на најинтересните и најчитаните текстови на Gostivarpress.mk од 1 јануари, па се до денеска (без хроника и ковид). Порталот Gostivarpress.mk во оваа 2020 објави околу 4.200 вести, од кои 95% се авторски на редакцијата и имаше повеќе од 8.151.000 посети.

Денес утре и задутре, целосно ќе ги реобјавиме 15-те најчитаните прилози, да се потсетиме што беше тоа што најмногу го привлече вашето внимание…

Објавенo на: Сеп 28, 2020 @ 20:53

Гинекологот Хатије Исмаили од Гостивар е избрана за најдобар лекар за 2020-та година во Словенија. Изборот бил направен преку акција насловена „Мојот лекар“ со гласање на граѓаните пациенти. Исмаили освои најмногу гласови во својата област-гинекологијата, но и вкупно од сите кандидати медицинари.

Високото признание официјално и’ беше врачено денеска од страна на претседателот на Словенија, Борут Пахор на свечен прием.

Како што пишува во соопштението на кабинетот на претседателот, Пахор им се заблагодарил на лекарите за важната општествена мисија што ја извршуваат, истовремено посочувајќи ја и улогата на политиката во обезбедувањето соодветни услови за нивната работа. Исмаили упатила благодарност до пациентите за довербата и рекла дека наградата е охрабрување да продолжи со својата лекарска мисија.

Хатије Исмаили завршила средно образование во гостиварската гимназија, а потоа продолжила да се образува на медицинскиот факултет во Ријека, Хрватска. По завршување на студиите се преселила во Словенија, каде денес работи и живее со своето семејство.

фото:Фејсбук/Борут Пахор