НАЈЧИТАНИ ВО 2020: Шест дами пратенички од ИЕ 6 – од нив три се од Гостивар

На опашката сме од оваа 2020-та година и редно е да се потсетиме на најинтересните и најчитаните текстови на Gostivarpress.mk од 1 јануари, па се до денеска (без хроника и ковид). Порталот Gostivarpress.mk во оваа 2020 објави околу 4.200 вести, од кои 95% се авторски на редакцијата и имаше повеќе од 8.151.000 посети.

Денес утре и задутре, целосно ќе ги реобјавиме 15-те најчитаните прилози, да се потсетиме што беше тоа што најмногу го привлече вашето внимание…

Објавенo на: Јул 18, 2020 @ 14:01

Симулацијата на мандати, направена според првичните резултати од Државната изборна комисија, покажува дека во шестата изборна единица ќе има 6 жени пратенички.

Од Демократската унија за интеграција: Арта Билали Зендели и Вјолца Адеми, од Коалицијата Алијанса за Албанците-Алтернатива: Илирие Даути и Артина Ќазими, од Коалицијата „Можеме“ предводена од СДСМ, Фаница Николоска и од  ВМРО-ДПМНЕ и коалицијата, Дафина Стојаноска.

Интересно е што Артина Ќазими, која е од Добридол, воедно ќе биде најмладиот член во новиот собраниски состав.

Три од новите пратенички се од Гостивар: Стојаноска, Адеми и Билали Зендели.

Се разбира промени во пратеничките места се можни по составувањето на Владата, со оглед дека некои од пратениците ќе станат министри.

Законите налагаат, откако ДИК ќе испрати конечен извештај до Собранието со комплетирани податоци, за најмногу 20 дена треба да се закаже конститутивна седница. Потоа, претседателот на државата во рок од 10 дена од конститутивната седница е должен да го определи мандатот за состав на новата Влада.