Поврзи се со нас

Гостивар

Настан во Гостивар „Дарувај љубов, за да добиеш љубов“ за децата и лицата со попреченост

Објавено

на

Позитивна енергија, насмевки, прегратки и задоволство. Во ваква атмосфера помина денешниот настан во Гостивар посветен на децата и лицата со посебни потреби, кој се одржа во гостиварската подружница на Ресурсниот центар. Креативната работилница се органиираше на иницијатива на Општина Гостивар, во соработка со здруженијата кои се занимаваат со оваа област и Центарот за социјална работа, по повод на 3-ти декември, Меѓународниот ден на лицата со попреченост.

Присутните учествуваа во креативни рачни изработки, цртаа и создаваа уметнички дела, а најважна од се‘ беше дружбата и топлината што ја почувствуваа сите, и домаќините и гостите.

„Идејата ни беше да им дадеме можност на децата да работат нешто убаво, да креираат и да имаме една опуштена дружба. Сакаме да го претвориме овој центар во место кадешто децата и лицата со попреченост ќе доаѓаат да се дружат, да имаат разни обуки, активности, едноставно за секаква намена. Денешниот настан има мото „Дарувај љубов, за да добиеш љубов“ и во таа насока би ги повикала сите граѓани на Гостивар, а и пошироко да им даруваат љубов на овие деца за да добијат љубов, бидејќи овие деца знаат да даваат многу љубов.“, истакна Маргарита Милошеска, координатор на Ресурсниот центар.

Имерлие Салиу од Секторот за социјални дејности и детска заштита изрази благодарност до сите што се вклучија во реализацијата на настанот и истакна дека на ваков начин се промовира инклузијата на лицата со посебни потреби во општеството.

Од Центарот за социјална работа во Гостивар најавија дека во следниот период ќе ги посетуваат семејствата кои имаат членови со попречености, со цел да ги информираат за функцијата и можностите на Ресурсниот центар.

„На подрачјето кое ние го покриваме со општините Гостивар, Маврово Ростуше и Врапчиште имаме регистрирано околу 240 такви семејства, корисници на права. Планираме да ги посетиме и да ги запознаеме со проектите и активностите за и тие да бидат дел и да се вклучат во нив. Институциите и здруженијата ќе бидат во тесна соработка со една цел, тие деца да не останат затворени дома, туку да ги посетуваат овие убави активноти и просторијата која е наменета за нив“, рече Азби Шаќири, раководител на Центарот за социјална работа во Гостивар.

Во знак на благодарност за поддршката и ангажманот, децата со посебни потреби им подарија свои изработки на општинските претставници.

Сподели ја веста:
Advertisement
Advertisement
Advertisement
Advertisement
Advertisement
Гостиварпред 2 недели

Девизниот курс денес според приватните менувачници во Гостивар и НБРМ

Гостиварпред 4 недели

Продавале девојче за 50 до 200 евра, меѓу уапсените има и од Гостивар

Вестипред 3 недели

Планинско велосипедска тура „МТБ Маврово 2023“ – Во тек е пријавување

Гостиварпред 3 недели

Тамара од Гостивар ќе ја претставува Македонија на Јуниорскиот Евросонг!

Спортпред 4 недели

ФК Гостивар по 9 години се врати во Првата македонска фудбалска лига

Писмапред 2 недели

ПИСМА: Граѓани од Гостивар реагираат на небезбедно градилиште

Гостиварпред 2 недели

30 дена притвор за гостиварецот пријавен за сексуално вознемирување на малолетната внука

Гостиварпред 2 недели

Во Гостивар утре хит комедијата „Обвинителка“ со легендарната Лидија Вуќичевиќ

Македонијапред 4 недели

За храна и сметки потребни најмалку 49.384 денари

Огласи за вработување:

Advertisement

Популарно изминативе 100 дена