Не мора секогаш со лекови! Што да јадете и пиете кога сте настинати?

Во екот на настинки и вируси, исхраната е најважната алка во синџирот за одбрана на организмот и подигнување на имунитетот. Поговорката „лекот е во природата“ не се состои од празни зборови. Одредени намирници навистина помагаат да се зајакне отпорноста или да се смират симптомите на настинка.

Зачинета храна

Кога јадеме зачинето и луто јадење ни доаѓаат солзи на очите. Истовремено тоа значи дека му помагаме на носот во проодноста, односно да се одзатне. Кога имате настинка иделано е во исхраната да вклучите рен, лути пиперчиња, кромид, сенф…

Пилешка супа

Се смета за традиционален лек против настинки и вируси. Хралива е, освежува, а веќе постојат и научни докази дека помага во намалување на белите крви зрнца кои се одговорни за респираторните проблеми. Исто така, делува врз олеснување на дишењето со тоа што ги омекнува дишните органи и ја разводнува слузта.

Топла лимонада

Со овој пијалок нема да згрешите. Кога велиме топла, мислиме на млака, а никако жешка лимонада. Малку исцеден лимон, со млака вода е вистинскиот лек за освежување на настинат организам.

Црвено вино

Љубителите на црно вино, секако ќе ги израдува овој податок: црното вино е добар сојузник о борба против настинките. Особено кога се подготвува како варено вино, со малку шеќер и цимет. Сепак, треба да бидете внимателни со количините. Повеќе од еден филџан е веќе премногу.