Не запира славеничкото пукање на свадби во Гостивар, вчера во станица завршиле две лица

Не стивнуваат славеничките пукања во Гостивар. Полицијата вчера (4 август) регистрира два нови случаи на ваков вид на нарушување на јавниот ред и мир, на свадбени веселби.

Околу 15 часот, на свадбена свеченост организирана од 45-годишниот гостиварец А.С. на улица „137“ во Гостивар, бил нарушен јавениот ред и мир со пукање од огнено оружје. Бил извршен увид, а А.С. бил повикан во Полициска станица за целосно расчистување на случајот.

Вечерта пак, околу 23 часот и 25 минути, полициски службеници на Секторот за внатрешни работи Тетово-Полициска станица Гостивар, го привеле 49-годишниот гостиварец Ш.К, кој на свадбена веселба организирана во дворот од неговата куќа во населбата „Бањешница“, го нарушил јавниот ред и мир со пукање со пиротехнички средства.

По целосното расчистување на случајот против него ќе следува соодветна пријава, најавија надлежните.

Викендов, како што веќе информиравме две жени од гостиварско Чајле беа ранети со пиштол, на свадба.