Недисциплина зад воланот, 35 казни во Гостивар за брзо возење и други прекршоци

Полицијата вчера (23 јуни) спровела акциска контрола за брзина со која се движат возилата, во која вкупно биле откриени 69 возила (Тетово-39 и Гостивар-30), кои ја пречекориле максимално дозволената брзина надвор од населено место. Петнаесет возачи ја пречекориле брзината за повеќе од 70 километри на час над дозволеното (Тетово-7 и Гостивар-8). Сите прекршители се соодветно законски санкционирани, извести СВР.

Санкционирани биле и 6 возачи во Тетово кои ја пречекориле брзината во населено место за повеќе од 30 до 50 километри на час над дозволеното.

Вчеравечер на ова подрачје била спроведена и акциска контрола за алкохол, во која биле откриени и санкционирани 7 возачи, сите во тетовско, кои ги управувале возилата под дејство на алкохол. Сите се исклучени од сообраќај и времено им се одземени возачките дозволи.

Во акцијата, исто така, санкционирани биле и 9 други видови прекршоци (Тетово-4 и Гостивар-5).