Неколку гостиварци се степале, па завршиле во болница

Полицијата регистрира групна тепачка во Гостивар, која завршила со повредени лица. Според податоците од СВР Тетово, настанот се случил вчера околу 18 часот и 40 минути, на улицата „Мајор Чеде Филиповски“ , пред куќа на 40 годишен гостиварец. По претходна вербална расправија настанала тепачка меѓу двајца други гостиварци и сопственикот на куќата, а подоцна се вклучило уште едно лице со намера да ги раздели.

„Со повреди се здобиле сите учесници во настанот и по укажаната лекарска помош во гостиварската болница пуштени се на домашно лекување. Извршен е увид и се преземаат мерки за расчистување на случајот“, соопшти полицијата.