Нема жртви од Македонија во поплавите во Западна Европа, соопшти МНР

Министерството за надворешни работи соопшти дека ги следи состојбите со поплавите во Западна Европа и според информациите од Дипломатско конзуларните претставништва во погодените региони нема жртви државјани на РСМ.

„Нашите државни конзуларни претставништва стојат на висина на задачата, отворени и во служба на државјаните на Северна Македонија кои живеат во погодените региони.

Исто така, МНР е во постојана комуникација со домашните власти во земјите кои доживеа природна катастрофа. Според информациите на нашите ДКП-а во погодените региони нема жртви државјани на РСМ “, извсти МНР.

Министерството ги објави следните телефонски броеви во случај на евентуално барање помош за наши државјани:

Берлин: +49 15255691603

Минхен: + 49 162925525

Хаг: + 31 6 38174907

Брисел: +32 27329108

Силното невреме со поројни дождови предизвика катастрофални последици во повеќе земји во Западна Европа, а најмногу ги погоди западна Германија и источна Белгија. Животите ги загубија над 150 лица.