Несреќа на патот Гостивар-Кичево, повредени повеќе лица

Во судир на две возила, на патот Гостивар-Кичево близу  каменоломите едно лице завршило со тешки повреди, а на три им се укажува лекарска помош и се утврдува видот на повредите. Според информациите од СВР Тетово, сообраќајната несреќа се случила околу 18 часот. Во неа учествувале „опел астра“ со тетовска регистрација управувана од 27 годишниот тетовец К.С. во која бил и Б.С на возраст од 57 години и џип „киа“ со скопски таблици, управуван од 54 годишниот С.П. во кој била сопатничката Б.П – 49 годишна.

Во извлекување на возачот на опелот од автомобилот, учествувала и екипа од Противпожарната единица-Гостивар. Тој поради сериозноста на повредите бил пренесен на скопските клиники. Возачот на џипот и сопатниците од двете возила се пренесени во гостиварската општа болница.

Полицијата врши увид и се утврдуваат причините и околностите за несреќата.