Низ гостиварските улици „уловени“ триесетина брзи возачи

Полицијата вчера на гостиварското подрачје спроведе акциска контрола за брзина, во која вкупно биле откриени и законски санкционирани 28 возачи за пребрзо возење.

Како што информира Секторот за внатрешни работи, биле изготвени 5 прекршочни, 21 мандатен платен налог и две писмени опомени. Прекршителите кои  значително ја пречекориле дозволената брзина, ќе се соочат со парични глоби од 300 до 400 евра и со времена мерка-одземање на возачката дозвола  од 3 месеци до една година, додека другите ги очекува глоба од 45 евра или впишување на 25 негативни бодови.

Полицијата најави дека вакви контролни активности ќе продолжат да се спроведуваат и во наредниот период, со оглед на тоа што брзото возење е најчестата причина за сообраќајни несреќи со посериозни последици на гостиварските простори.