Нови 27 решенија за изолација во Гостивар, активно болни со корона се 294 лица

Според статистиката на Секторот за внатрешни работи Тетово, во текот на изминатото деноноќие, Државниот санитарен и здравствен инспекторат изготвил 27 нови решенија за изолација за граѓани од подрачјето на Гостивар. Контроли им биле извршени на 357 лица со вакви решенија и не биле констатирани неправилности околу почитувањето.

Полицијата известува дека истиот за неносење заштитни маски на вкупно 46 граѓани во Гостивар им биле изготвени прекршочни платни налози. Тие ќе треба да платат казна од 20 евра.

Последната статистика на Институтот за јавно здравје за состојбата со коронавирусот, покажува дека во гостиварскиот регион има 294 активно болни. Од почетокот на пандемијата вкупно биле диганостицирани 610 лица. Оздравеле 274, додека како починати се евидентирани 28.