Од петок се отвора сезоната за спортски риболов на Мавровско езеро и Радика

Од петок, 5 февруари 2021 година, се отвора сезоната за спортски риболов на Мавровско Езеро и река Радика во Националниот парк Маврово.

Денови кои се дозволени за спортски риболов се:

• Мавровско Езеро

Од 05.02.2021 година до 01.06.2021 година дозволени денови за риболов се: петок, сабота, недела и државни празници.

Од 01.06.2021 до 31.10.2021 година риболовот ќе биде дозволен секој ден.

За периодот од 01.10.2021 до 31.10.2021 спортскиот риболов на Мавровско Езеро ќе биде дозволен секој ден за сите видови риби освен за пастрмка која е во период на природен мрест.

• Река Радика и притоки

Дозволени денови за риболов од 05.02.2021 година до 30.09.2021 година се: петок, сабота, недела и државни празници.

Ценовник на дозволи за спортски риболов:

• Дневна риболовна дозвола – 200,00 денари
• Седумдневна риболовна дозвола – 1000,00 денари
• Петнаесетдневна риболовна дозвола – 1700,00 денари
• Годишна риболовна дозвола – 4000,00 денари

Дозволи можат да се набават во Информативниот туристички центар во Маврови Анови.

Дневна риболовна дозвола може да се купи и преку електронски систем на www.npmavrovo.mk во делот за билети или на следниов линк https://npmavrovo.mk/buy/130. За да купите дозвола преку електронскиот систем мора да имате важечка е-маил адреса на која ќе добиете потврда за уплата. Уплатата може да се изврши со сите видови на платежни картички.

Останува обрвската да поседувате легитимација за спортски риболов со платена членарина за тековната година.

Дозволата која ќе ја купите по електронски пат ќе ја има и во хартиена форма која може да се подигне во Информативниот туристички центар.