Од Централен регистар избришани околу 150 фирми во гостиварскиот регион

Околу 150 правни субјекти од Гостивар и гостиварско се најдоа на листата на избришани од Централниот регистар, која се однесува за месец февруари.

Како што пишува во образложението, постапката за бришење на трговците поединци и трговските друштва е спроведена поради тоа што до 31.12.2017 година до Централниот регистар не поднеле годишна сметка за деловната 2016 година и/или не поднеле пријава за упис на адреса на електронско сандаче за прием на писмена согласно член 21 од Законот за едношалтерскиот систем и за водење на единствениот трговски регистар.

Централниот регистар ги повика содружниците, односно акционерите на бришаните друштва да го распределат имотот меѓу себе согласно со Законот за трговските друштва.

Фирмите од гостиварскиот регион, кои се избришани се од различни сектори: трговија, информатичка технологија и услуги, транспорт, угостителство и други.