Гостивар
Одлука за старт на постапка за концесионерство за Аква Парк во Гостивар
Советот на Општина Гостивар на вчерашната седница изгласа одлука за започнување на постапка за доделување на договор за воспоставување на јавно-приватно партнерство за финансирање, проектирање, изградба, управување и одржување на спортско – рекреативен центар, Аква парк во Гостивар.
„Поради слабата финансиска моќ на Општина Гостивар која се должи на пандемијата од КОВИД-19, односно поседувањето минимални буџетски средства за капитални инвестиции не е во можност да планира изградба на современ мултинамески рекреативен центар или модернизација на постојниот без привлекување приватен капитал, бидејќи многу тешко се обезбедуваат буџетски средства од програмите на Владата за ваква намена, а специфично е и задолжувањето со кредити од причини што Општината веќе има повеќе задолжување. Со оваа одлука се започнува постапка за доделување договор за воспоставување на јавно приватно партнерство за финансирање, проектирање, изградба, управување и одржување на спортско рекреативен центар со мали и големи трговски единици во општина Гостивар.“, стои во одлуката.
Од секторот за урбанизам појаснија дека како локација за Аква парк е определена зона во Урбаниот блок 16, на десниот брег на Вардар во населбата Дутлок, помеѓу двата фудбалски стадиони, која во урбанистичките планови е предвидена за спортско-рекреативни активности.
Од она што претходно беше познато за јавноста, во проект предвидено е комплексот да има базени за спирални тобогани, за брзи тобогани, базен со бранови, мрзлива река, плиток базен за деца до четири години и детски базен за деца од 4 до 14 годишна возраст. Покрај технички простории, паркинг, гардероби и тоалети, во комплексот ќе функционираат ресторан и кафетерија. Сето тоа ќе опфаќа површина од над 2 илјади квадратни метри.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар