Гостивар
Оглас за доделување на социјалните станови во Гостивар наскоро, најавуваат надлежните
Социјалните станови во Гостивар конечно ќе станат нечиј дом. Според најавите од Министерството за транспорт и врски, оглас за доделување ќе биде објавен во период од еден до два месеци, откако ќе се заврши процедурата за нова одлука за распределба.
„Становите во Гостивар се готови за распределба. На една од наредните седници на Владата, Министертството за транспорт и врски ќе предложи измена на одлуката за распределбата, со оглед дека претходно се јавуваа проблеми со критериумите. Кога ќе помине одлуката на Владата, ќе се распише огласот за доделување, во соработка со Министерство за труд и социјална политика. Се очекува тоа да биде во текот на февруари или март месец.“, стои во одговорот од Министерството за транспорт на нашето прашање околу доделувањето на становите.
Зградата со социјалните станови е целосно изградена повеќе од две години. Објектот има поминато технички прием, но распределбата до сега кочеше поради административните процедури. Се правеше нова методологија за рангирање, поради измени во Законот за социјална заштита, каде беа утврдени нови категории граѓани кои ќе можат да аплицираат за стан. Потоа, заради одредени измени во тек на градбата, беше неопходно да се дополнува урбанистичката документација. Па, имаше и проблеми со софтверот за распределба.
Зградата има два влеза и 70 стана. За нив ќе може да аплицираат станбено необезбедени:деца без родители, корисници на гарантирана минимална помош, граѓани погодени од елементарни – природни непогоди, семејства со лица со попреченост, социјално загрозени припадници на Ромската заедница како и самохрани родители со малолетни деца. Распределбата на социјалните станови ќе се врши по електронски пат.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 2 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
Гаражна распродажба во РАМСТОР: Огромни попусти до 70% на шопинг до 11ти Февруари!
-
Македонијапред 3 месеци
Најнова одлука: Од утре промената на возачките, сообраќајните и патните листови ќе бидат без надоместок