Општина Врапчиште ќе врши дезинсекција против комарци

Општина Врапчиште распиша тендер за фирма која ќе спроведе дезинсекција на територијата на општината. Рокот за пријавување на заинтересираните фирми за прскање против комарци трае до 19 јуни, по што ќе следува постапката за избор на најповолниот понудувач.

Во огласот е наведено дека со дезинсекција ќе биде опфатена површина од вкупно 150 хектари, а ќе се одвива во селата Градец, Сенокосе, Неготино, Добридол, Топлица, Врапчиште и Зубовце, покрај патот на место викано Требеница до излез кај мостот во Градец, депонија кај стадионот во атар на Неготино, реките во Зубовце и Неготино како и каналот во Топлица.

Прскањето против комарци е законска обврска на општините, со цел да се спречи размножување на ларвите, да се намали бројот на комарци и ризикот од појава на болести што ги пренесуваат овие инсекти.

Ризични места кои се сметаат за потенцијални легла, најповолни за развој и размножување на инсектите, опфаќаат локации кадешто има депонии, неисчистени канали, поплавени подрачја и слично.