Пешаците „мета“ на полицијата во Гостивар, за неколку часа казнети 9

Вчера (9 март) во периодот од 8 до 13 часот, на подрачјето на СВР Тетово спроведена е акциска контрола на пешаци и на нивното однесување во сообраќајот.

„При контролата откриени и законски се санкционирани вкупно 42 прекршоци, од кои 33 во Тетово и 9 во Гостивар. Најголемиот број од прекршоците се однесувале на некористење на тротоари и на преминување на улиците надвор од пешачки премини. На сите прекршители изготвени им се соодветни поднесоци.“, соопшти СВР.

Вчера, исто така, на улиците „Маршал Тито“ и Видоја Смилевски-Бато“ во Тетово полициски службеници на СВР Тетово времено одзеле три патнички моторни возила со скопски и тетовски регистарски ознаки, што ги управувале тетовци на возраст од 30, 38 и 45 години, а кои имале истечена регистрација повеќе од шест месеци.