Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!



  • Дата: 17/05/2019 | 15:28

Пет новозаразени од морбили во Гостивар, вкупната бројка надмина 40

Во периодот од 10 до 16 мај на подрачјето на Гостивар регистрирани се пет нови случаи на мали сипаници – морбили. Вкупната бројка на заразени се искачи на 41.

Во истиот период, на територијата на целата земја, пријавени се вкупно 134 новозаболени, објави Институтот за јавно здравје. Од нив 48 случаи се од Скопје, 25 од Струга, Куманово (23), Тетово (11), Охрид (8), Велес (6), Гостивар (5), Валандово (5), Прилеп, Дебар и Крива Паланка по еден.

Најголемиот број на нив, или 82 се на возраст над 20 години. Според вакциналниот статус, 94 или околу 70% се невакцинирани, непотполно вакцинирани или со непознат вакцинален статус.

Трендот на пораст на заболени од мали сипаници се задржува. Поради епидемијата, Владата донесе заклучок во прво одделение да се запишуваат само вакцинирани деца, додека за невакцинираните да се примаат пријавите, но да не се врши нивен упис.

Напишете коментар

Close