Пита со боровинки што вреди да ја направите

Боровинките, омилените на многумина и вкусното пециво со цимет што се топи во устата, е апсолутно неодолива комбинација. Оваа пита со боровинки лесно се прави и сите ја сакаат.

Потребни состојки:

• 200 гр путер
• 400 гр обично брашно (по потреба додадете уште малку)
• 200 гр кафеав шеќер
• 1 лажичка прашок за пециво
• прстофат сол
• 1 лажичка цимет
• 1 јајце
• 1 лажица грчки јогурт

Фил:

• 500 гр замрзнати или свежи боровинки
• 100 гр кафеав шеќер
• сок од еден лимон
• 2 полни лажици густин

За посипување:

• шеќер во прав

Подготовка: Вклучете ја рерната на 200°C. Во садот се ставаат сувите состојки, па се додаваат јајцето, јогуртот и ладниот путер исечкан на ленти. Замесете тесто, ако е премногу ронливо, додадете уште малку грчки јогурт, ако е многу лепливо додадете уште брашно. Поделете на два дела. Првиот дел завиткајте го во проѕирна фолија и ставете го во замрзнувач 10,15 минути. Вториот дел ставете го во плех од 30х20 см кој претходно го премачкувате со путер, и притиснете го со раце.

Измешајте ги замрзнатите боровинки со шеќерот, сокот од лимон и густинот и премачкајте ги преку тестото – не варете претходно. Вториот дел од тестото извадете го од замрзнувачот и изрендајте го врз боровинките. Печете 35-40 минути, додека не порумени. Се вади од рерна и се лади половина час. Посипете со шеќер во прав и уживајте! Додека е топла питата, можете да ја послужите и со сладолед од ванила.