По која цена се продаваат лажните сертификати за вакцинација на DarkWeb

Разновидни сертификати за вакцини против COVID-19 се продаваат по пониски цени на DarkWeb, според новиот извештај на Check Point Research . 

Истражувачите открија дека цените за дигитален ковид сертификат за вакцинација на ЕУ, како и картичките за вакцина против CDC и NHC Cov паднаа на 100 долари. Лажните тестови за PCR COVID-19 исто така се продаваат на големо.

Во март, цената за лажните пасоши за вакцини на DarkWeb се движеше околу 250 американски долари. Сертификатите најчесто ги купуваат групи и луѓе во САД, Велика Британија, Германија, Грција, Холандија, Италија, Франција, Швајцарија, Пакистан и Индонезија. Плаќањето е во криптовалути главно Биткоин, Монеро, Догекоин и други. Групите исто така прифаќаат плаќање преку PayPal.

Во Франција лажните здравствени сертификати масовно се продаваат на Snapchat. Лажните сертификати беа промовирани од француски државјани кои не сакаат вакцина против коронавирус, но сакаат да ги искористат предностите од здравствените дозволи за КОВИД-19. Цените за лажна здравствена дозвола во Франција варираат од 140 до 350 евра, откриле новинарите на АФП. Француската полиција откри случаи во Марсеј, Бордо и Гренобл, каде се хакирани компјутерите на матичните лекари и извлечени податоци за вакцинираните од таму. 

Италија со овој проблем се соочи во месеците мај и јуни, кога fake сертификатите се бараа масовно. Дека ваков бизнис навистина постои, докажува и најновата акција на италијанската полиција која пред три недели фати и стопираше серија онлајн измамници кои нудат лажни ковид сертификати за вакцинација. Италијанската полиција соопшти дека запрела 10 канали на апликацијата Телеграм кои воделе до анонимни профили на црниот интернет пазар односно мрежата DarkWeb. Каде за 150 евра можело да се добие и сертификат за вакцинација и шишенце од вакцина.