По обилните снежни врнежи патот кон Галичник непрооден, извести ЦУК

Регионалниот Центар за управување со кризи Тетово, известува дека во Полошкиот регион сите патни правци се проодни освен за село Галичник е непроодени и не се планира да се чисти, додека денеска се планира да се дочисти патот до Дуф и Сретково (Општина Маврово и Ростуше).

Од Центарот за управување со кризи (ЦУК) информираат дека изминатото деноноќие имало вкупно 1.891 повик на Единствениот број за итни случаи 112, од кои „реални“ повици биле 41,41 отсто, а 58,59 проценти биле за други потреби на граѓаните, што не биле итни.

Кон полиција биле упатени 55,03 отсто, кон Итната медицинска помош 30,47 проценти, кон пожарникарите 0,89 отсто, а кон АМСМ  1,18 проценти од реалните повици.