Сообраќај: Забрани и задолжително користење синџири на повеќе патишта

Сообраќајот на државните патишта се одвива во зимски услови, по влажни коловози, информира утрово Автомото Сојузот на Македонија.

Забрани за движење на тешки товарни возила има на: планински премини Стража, Маврово, Ѓавато и Плетвар, патни правци: Струмица-Берово, Струга – ГП Ќафасан и село Рогачево до ГП Јажинце.

На патниот правец Тетово – П.Шапка има забрана за сообраќај за автобуси додека за другите возила е задолжителна зимска опрема (синџири).

Задолжителна е зимска опрема за сите возила на патниот правец кон граничен премин Делчево.

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата, стои во известувањето на АМСМ.