Вести
По огнената трагедија во Тетово полицијата со апел за внимателност со грејните тела
„Со оглед на тоа што во полн ек е грејната сезона, која поради ниските температури деновиве значително е интензивирана, Секторот за внатрешни работи Тетово повторно апелира до граѓаните да бидат крајно внимателни, кога станува збор за греењето. На оние кои користат печки на дрва им се советува премногу да не ги заложуваат кога се отсустни од нивните домови или други објекти, задолжително да ги исчистат оџаците, најмалку два пати годишно, ако досега не го направиле тоа, но и да не оставааат вклучени греалки, клима уреди и друго. На сопствениците на постари објекти посебно им се укажува редовно да ја проверуваат исправноста на електричните инсталации и наеднаш да не вклучуваат повеќе апарати, поголеми потрошувачи, за да не дојде до преоптоварување на инсталцијата и избувнување пожар. Ова, посебно се однесува на станбените згради со поголем број потрошувачи и со инсталации со несоодветен капацитет за толку потрошувачи“, вака гласи апелот од СВР упатен кон граѓаните во полошко по фаталниот пожар во Тетово во кој настрадаа мајка и четири деца.
Полицијата информираше дека лани кај нив вкупно биле пријавени 127 пожари, што се 34 повеќе во споредба со 2016. Лани сепак немало жртви, а само едно се здобило со телесни повреди. Вкупната претпоставена штета се проценува на милион и 300 илјади денари.
Секторот за внатрешни работи Тетово 6 пожари ги заокружил со исто толку кривични пријави, а биле изготвени и педесетина писмени известувања.
Во Тетово поради трагедијата се прогласени денови на жалост.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Вестипред 2 месеци
Историјат на Осми март – Празник посветен на правата на жените
-
Македонијапред 3 месеци
Најнова одлука: Од утре промената на возачките, сообраќајните и патните листови ќе бидат без надоместок
-
Гостиварпред 2 месеци
Гостиварско архиерејско намесништво: Распоред на дежурни свештеници за Задушница