Почна пријавувањето за бесплатна бања на пензионерите

Фондот на пензиско и инвалидско осигурување на Македонија го објави јавниот повик за проектот „Бањско климатска рекреација на корисници на пензија“.

Пријавувањето на заинтересираните пензионери започна од 16-ти јануари, а ќе трае 15-ти февруари 2019 година. Барањата се поднесуваат во филијалите на Фондот на пензиско. Право на користење на услугата имаат корисници на старосна, семејна и инвалидска пензија, кои живеат во Република Македонија на кои износот на пензијата  изнесува до 17.000 денари.

„При бодирање и рангирање на корисниците на пензија единствено ќе се земе во предвид висината на пензијата, при што понискиот износ на пензија ќе има повеќе бодови. Доколку корисникот на пензија користи и дел од пензија којашто се исплатува од друга држава при бодирањето ќе се земе во предвид и износот на пензијата која се исплатува и од другата држава“, стои во јавниот повик.

Корисниците на пензија коишто биле на бања или на туристички викенд бесплатно изминатите години немаат право да ја користат услугата во 2019 година.

Државата за пензионерите плаќа:  6 полни пансиони (ноќевање со три оброка дневно), бањска терапија, задолжителен здравствен преглед и трошоци за превоз.