Почнува трансформацијата на ординациите на специјалистите по семејна медицина

Специјалистите по семејна медицина, од денеска можат да започнат постапка за трансформација на своите ординации по општа медицина во ординации по семејна медицина.

„Со ова, ја финализиравме процедурата започната во февруари годинава, презентирана на првиот Национален форум за здравство. Ова решение е дел од мерките за унапредување на примарната здравствена заштита изготвени врз основа на анализите и препораките на Светската здравствена организација во координација со стручните здруженија.“, информира Министерството за здравство.

Од таму потенцираат дека на овој начин, примарната здравствена заштита во која работи специјализиран кадар може да придонесе за значителни здравствени заштеди, а со навремено дијагностицирање и соодветен менаџмент на одредени состојби, ќе дојде до растоварување на секундарното и терциерното ниво во здравствениот сектор и ќе се создадат услови клиничките специјалности да се посветат на покомплексни и потешки здравствени состојби.