Покачување на надоместокот за дежурства во здравството ќе има по потпишувањето на Анекс за измена на колективниот договор

На последната седница, Владата на Република Македонија ja разгледа и усвои Информацијата за склучување Анекс за изменување и дополнување на  Поединечниот колективен договор за плата, други права по основ на плата и надоместоци на плата, заради зголемување на коефициентите за додаток на плата за работа ноќе и дежурства на  вработените во Јавната установа од областа на здравството за потребите на јавните здравствени установи, универзитетски клиники, Завод и ургентен центар – Скопје.

Во владиното соопштение стои дека предложениот Анекс е во смисла дека примената на Колективниот договор ќе започне од наредниот месец од денот на потпишувањето на Анексот, а Јавната установа средствата ќе ги обезбеди во рамки на сопствениот буџет.