Потврден прв случај на коронавирус во Македонија

Се работи за женско лица, кое допатувало од Италија. Пациентката поради симптомите што ги имала, сама се обратил за тестирање на Инфективната клиника. По извршените лабараторски анализи потврдено е дека лицето е позитивно на коронавирус, извести министерот за здравство, Венко Филипче.

„Пациентката е сместена во одделот за изолација, се третира соодветно на нејзината состојба. Нема простор за паника. Таа била еден месец во Италија, на прошетка и во посета на свои блиски. Епидемиолошките испитувања покажаа дека веќе две недели е болна и иницијално се третирала, но не е тестирана за болеста. По влегување во земјава, дирекно се упатила на Инфетивната клиника. Тоа ни дава за право да мислиме дека инкубацијата е одамна помината и таа во моментот на транспорт со луѓето кои се транспортирала, не претставувала опасност да ја пренесе болеста. Но, постапувајќи по сите препораки, сега се прави проверка на сите патници кои биле во комбето и се транспортирале заедно со неа, и ќе бидат ставени во 14-дневна изолација“, изјави Филипче.