Гостивар
Предавања за мерки против корона и дополнителни количини средства за хигиена во училиштата во Гостивар
По појавата на првиот случај на заразен со коронавирус во земјава, во училиштата на територијата на Гостивар, деновиве се зголемува нивото на превентивни мерки против ширење на вируси.
Училишните управи согласно препораките коишто ги добиле од Министерството за образование, организираат едукативни часови и предавања за учениците, поставуваат флаери со информации за мерките на заштита и слично. Општина Гостивар обезбеди дополнители количини на течен сапун и други средства за хигиена, кои во текот на денот се дистрибуираа до школите.
„Во сите училници поставени се флаери со информации кои мерки учениците треба да ги преземат, за заштита од вируси. Се` е добро и сликовито објаснето, и наставниците исто така им ги пренесуваат советите. Сепак, елементарното во одржувањето на хигиената треба да дојде од домот, од родителите. Ние како училиште, можеме само да ги надоградиме тие навики. Што се однесува до средства за хигиена, се распоредуваат течни сапуни да има во сите училници.“, рече Шпреса Усеини, директор на ОУ „Исмаил Ќемали“ Гостивар.
Во средното економско училиште во Гостивар денес бил одржан едукативен час, за средношколците подобро да се запознаат со начините на пренесување и превенцијата од коронавирус. За време на зимскиот распуст била извршена и целосна дезинфекција на објектот.
„Училиштето тековно набавува средства за хигиена, но сега бидејќи има потреба од поголема количина, Општина Гостивар обезбеди дополнителни количини течен сапун, средства за дезинфекција, тоалетна хартија. Сакам да напоменам дека, во законски рамки училиштето спроведува целосна дезинфекција еднаш во шест месеци, а последната дезинфекција ја направивме на 17 јануари, што значи позитивно во однос на одржувањето на хигиената“, изјави Тони Ефремоски, директор на економско училиште во Гостивар
Од училиштата во Гостивар велат дека немаат забележано помасовни отсуства на ученици од вообичаеното во овој период од годината, ако се земе предвид дека е сезона на грип и настинки.
Согласно препораките на Министерството за образование, класните раководители вршат анкетни проверки дали некој од учениците престојувал во подрачја каде има заразени со корона.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар