Препораки за планинарите: Најмногу 5 во група, во ранецот да носат маска и ракавици, да се одбираат полесни патеки…

Комисијата за планинарски водичи при Федерацијата на планинарски спортови на Македонија донесе повеќе препораки за активности на планина во наредниот период, поврзани со превенцијата од Ковид 19.

• Се препорачува организирање на планинарски акции со најмногу 5 учесници (вклучително и планинарскиот водич).
• Планинарските акции да бидат по лесни патеки без снег, без да се доведат во опасност учесниците на акцијата, но и при евентуална несреќа, и спасителите.
• Планинарскиот водич, односно организаторот на планинската акција, да има список со учесници со контакт информации.
• Да се избегнува групен транспорт и при транспортот со возила да се употребуваат заштитни средства.
• Пријавените кои не се чувствуваат добро и имаат температура, задолжително да останат дома за да се спречи потенцијалното ширење на вирусот.
• Да се почитува растојанието меѓу учесниците при движење од 5 метри.
• Во ранецот да носат маска за нос и уста или марама, гумени ракавици и средство за дезинфекција.
• Задолжителна е употреба на маска за нос и уста и гумени ракавици, при давање помош на учесниците.
• Да се избегнува ракување, прегрнување, пиење од заедничко шише и поделба на храна.
• Поради ерозија (снег, мраз, промена на температурата) можно е оштетување на планинарските патеки и зголемена е опасноста од излизгување, паѓање на камења и гранки. Се замолуваат учесниците на планинарските акции да бидат внимателни и да пријават оштетувања на планинарски патеки во планинарските клубови.