Притвор за трите лица уапсени во атар на Врапчиште со хероин

Денеска попладне судија на претходна постапка во Основниот суд Гостивар им определил мерка притвор од 30 дена на трите лица кај кои полицијата пронајде хероин. 39 годишник од гостиварска Долна Бањица, 38-годишна гостиварка и 52 годишен жител од Врапчиште се сомничат за кривично дело”неовластено производство и пуштање во промет на наркотични дроги, психотропни супстанци и прекурсори”, казниво по член 215 од Кривичниот законик. Кривичната пријава ја СВР Тетово-Одделение за внатрешни работи Гостивар.

Тројцата вчера (10 мај) околу 15 часот и 30 минути биле лишени од слобода во атарот на Врапчиште. При нивен и преглед на возилото” опел вектра” со гостиварски регистарски ознаки, во кое се превезувале, бил пронајден хероин. Тројцата осомничени ќе бидат спроведени во Казнено-поправната установа Затвор”Скопје” во Скопје за издржување на притворот.