Приведени три девојки и две момчиња во локал на патот Гостивар-Тетово

Во акциска контрола што ја спровеле полициски службеници од СВР Тетово вчеравечер во угостителски објект, лоциран во атарот на Неготино, полошко, покрај автопатот Тетово-Гостивар, биле приведени пет лица.

МВР соопшти дека при контролата, во објектот биле затекнати и приведени три женски лица од Р.Албанија и едно од Р.Косово, на возраст од 24 до 37 години, поради постоење основи на сомнение за злоупотреба на туристички престој. Тие биле задржани во Полициска станица Гостивар за понатамошна постапка. При контролата, исто така, лишени од слобода биле 20 годишниот С.Т. и 27 годишниот А.М., поради постоење основи на сомнение за сторено кривично дело „спречување на службено лице во вршење на службено дејствие“. Тие биле задржани во Полициска станица Гостивар и се работи на целосно документирање на случајот, по што ќе следуваат соодветни поднесоци.