Продолжуваат акциите за „лов“ на нелегални танчерки низ локалите во гостиварско

Полицијата синоќа спровела нова акциска контрола во угостителски објекти. Како што соопшти МВР, од страна на полициски службеници од полициската станица Гостивар, полициското одделение Галате и полициското одделение Чегране била извршена акциска контрола во два угостителски објекти.

 Во угостителски објект на ул. „Илинденска“ во Гостивар биле затекнати и приведени две женски лица–државјанки на Република Македонија. Во угостителски објект во селото Форино, биле затекнати и приведени четири женски лица (една државјанка на Република Македонија, една државјанка на Република Албанија и две на Косово).

МВР известува дека презема мерки за целосно расчистување на случаите.