Професорката Билјана Ванковска претседателски кандидат на Левица

Професорката Билјана Ванковска ќе биде кандидат на партијата Левица за претседателските избори.

Ова го соопшти претседателот на Левица, Димитар Апасиев, кој истакна дека го имаат најдобриот кандидат.

„Како партија први го објавуваме својот кандидат и им фрламе ракавица на буржоаските партии. Наш кандидат е професорката Билјана Ванковска. Според нашите анкети, таа е најдобриот наш избор за кандидат за функцијата претседател на Република Македонија“; рече Апасиев.

„Иако не сум член на партијата, јас се чувствувам како дел од тимот, благодарам на Левица која ми ја даде довербата и одговорноста. Ако се прашувате зошто по една деценија повторно излегувам на истиот терен, ќе ви кажам дека оттогаш многу нешта се променија. Во меѓувреме, оваа генерација на млади и борбени политичари направи политичка партија за респект. Секако, многу е важно да се посветиме на граѓанинот и неговите права во државата и на тој план многу ќе работам“, рече меѓудругото Ванковска

Првиот круг претседателски избори во државава ќе се одржи на 24 април, додека вториот круг на 8 мај, заедно со парламентарните избори.