Пронајден кокаин, две лица од гостиварско задржани во полициска станица

Вчера (19 февруари) во 17.30 часот на магистралниот пат Охрид – Кичево, полициски службеници од ОВР Кичево ги лишиле од слобода Г.А.(48) и У.И.(54) двајцата од гостиварско.

Како што соопшти СВР Тетово полицијата при преглед во патничко возило „фолксваген фокс“ со гостиварски регистарски ознаки, кое го управувал Г.А., а сопатник бил У.И., бил пронајден кокаин. „Подоцна, во 23.50 часот, со судска наредба, полициски службеници на Одделението за внатрешни работи Гостивар извршиле претрес во домот на У.И. во Форино, при што биле пронајдени кокаин и дигитална вага. Лицата биле задржани во полициска станица и по целосно расчистување и документирање на случајот ќе бидат поднесени соодветни пријави.“, стои во полициското известие.