Несреќа со повредени на патот Гостивар-Градец: Малолетник со „сеат“ излетал од коловоз и удрил во паркирано возило

Вчера (19 февруари) околу 20 часот и 50 минути во СВР Тетово пријавено е дека на регионалниот пат Гостивар – Градец, на излезот од селото Неготино, патничко моторно возило „сеат“ со гостиварски регистарски ознаки управувано од малолетник од гостиварско Сенокосе, излетало од коловоз и удрило во паркирано товарно возило „рено“ со гостиварски ознаки, сопственост на жител од Неготино.

Во несреќата, возачот се здобил со телесни, а неговиот малолетен сопатник од истото село со тешки телесни повреди, констатирани во гостиварската Општа болница „Ферид Мурад“, информира полицијата.

На местото на несреќата увид извршила екипа од Одделението за внатрешни работи Гостивар.