Прва победа за КК Гостивар, надиграна екипата на Куманово 85-72

Избраниците на Александар Јончевски одиграа одличен меч не препуштајќи ништо на случајноста, го отворија натпреварот со 12-2, гостите до крајот на првиот период успеаа резултатски да се вратат во игра намалувајќи ја разликата на 28-24. И во вториот период продолжи офанзивата на гостиварци, добивајќи го периодот со 24-14, на полувреме се замина со резулатат 52-38.

Вториот дел започна со дефанзивно борбена игра на двете страни што резултираше со ниска ефикасност, периодот заврши 15-15, последните 10 минути им припадна на гостите 18-19, но прикажаното беше недоволно за кумановци, но доволно за гостиварци да ја запишат првата победа сезонава. Натпреварот заврши 85-72.

Србинот Тодоровиќ беше најрасположен на натпреварот постигнувајќи 23 поени, Ворку со 20 поени, 7 скокови и 5 асистенции беше најкорисен играч. Силаџи запиша 12, Ефремовски 12, Мејш 10, Ре.Димитриевски 3, Лефковски и Јанески по 2 поени.

Кај гостите Јосеф беше најефикасен со 15, Зивчевиќ и Настевски постигнаа по 13 поени. Во следното коло КК Гостивар му гостува на МЗТ 2.