Путин: Човештвото има два избора – или ќе продолжиме со проблемите или ќе работиме заедно

Рускиот претседател Владимир Путин се обрати денеска на Меѓународниот форум „Валдаи“ говорејќи дека Западот игра „опасна, крвава и валкана“ геополитичка игра, но нагласи дека САД и нивните сојузници на крајот ќе мора да седнат да разговараат со Русија.

„Таканаречениот Запад го стави на коцка целиот свет во оваа игра, а таа игра е опасна, крвава и би рекол валкана. Тие веруваат дека другите немаат права на нивните единствени права. Отсекогаш верував и верувам во здравиот разум и убеден сум дека, порано или подоцна, новите центри на мултиполарниот свет и Западот ќе мора да зборуваат за заедничка иднина како рамноправни партнери. Човештвото има два избора – или ќе продолжиме со проблемите што ги оптоваруваат сите или ќе работиме заедно“, нагласи Путин.

Тој додаде дека Западот, заслепен од колонијализмот, помогнал да започне војната во Украина и се обидува да предизвика кризи над Тајван за да обезбеди глобална доминација.

Путин рече дека Западот ги отфрлил обидите на Русија да изгради добри односи со САД и НАТО, бидејќи имaа намера да ја направaт Русија ранлива. Москва сакаше да биде „пријател“ со Западот и НАТО, но никако не ги прифати обидите на САД, Европската унија и Велика Британија да ја задржат Русија, тврди тој.

„Ова нивно верување во сопствената непогрешливост е опасна ситуација. Русија никогаш нема да прифати да ѝ се кажува што да прави од Западот. За разлика од нив, ние не ѕиркаме во туѓите дворови, Русија не се смета за непријател на Западот“, рече Путин пред експерти од 44 земји.

Цитирајќи го предавањето на Харвард од 1978 година на рускиот дисидент Александар Солженицин, Путин рече дека Западот отворено е расист и го гледа остатокот од светот со презир.