Рекордот соборен – дванаесет натпреварувачи лежат над 120 часа на натпреварот во лежење во Црна Гора

На натпреварот во лежење што се одржува во црногорското етно село Брезна, меѓу Никшиќ и Плужине, утрово беше соборен рекордот од 2021 година.

Дури 12 натпреварувачки лежеа повеќе од 120 часа и со тоа го соборија досегашниот рекорд на победничката на натпреварот од 2021 година, Дубравка Алексиќ од Подгорица, која лежеше 117 часа. Ова го изјави организаторот на натпреварот и сопственик на етно селото Брезна.

Натпреварот започна во петокот наутро и учествуваа 21 натпреварувач. Во меѓувреме девет натпреварувачи се откажаа, а 12 од нив се борат за наградата од 1.000 евра.

Правилата се такви што на учесниците им е забрането да стануваат, но дозволено е спиење, читање книги, јадење и пиење. На секои осум часа на натпреварувачите им е дозволено да одат во тоалет.

Ова е натпревар кој ја прави Црна Гора единствена во Европа, а е особено интересен поради прифатениот стереотип дека Црногорците се мрзеливи.