Се интензивираат снежните врнежи во гостиварско-забрани на неколку патишта

Врнежите од снег во регионот на Гостивар попладнево се интензивираат. Во градското подрачје и околината засега нема застои и промени во сообраќајниот режим. АМСМ информира дека се воведени забрани на неколку патни правци на регионални и магистрални патишта.

Забрана за сообраќај на тешки товарни возила има на патниот правец крак Маврово – Дебар.
Од 14.30 часот забрана за тешки моторни возила е воведена на регионален пат Кичево Охрид кај Пресека  и на магистрален пат Охрид – Гостивар кај Стража.

Сообраќајот на државните патишта се одвива непречено по влажни коловози, со остатоци од кашест снег на планинските премини, соопшти АМСМ.