Шанса за работа за социјалци, жртви на насилство и други лица во социјален ризик

Агенцијата за вработување на Република Македонија објави оглас за субвенционирано вработување на лица во социјален ризик.

Работниците ќе добиваат шестмесечна субвенција на бруто плата, а работодавачот потоа има обврска да го задржи работникот дополнителни шест месеци на работа. Во зависност од квалификациите на лицата, субвенцијата за плата ќе изнесува 17.500 или 19.500 денари.

Право на учество во програмата имаат невработени лица кои припаѓаат на една од целните  групи и тоа: корисници на социјална парична помош, лица кои до 18 годишна возраст имале статус на деца без родители, лица кои биле корисници на програмата Условен паричен надоместок за средно образование, членови на семејства корисници на детски додаток, жртви на семејно насилство и други ранливи категории.

Што се однесува до фирмите, може да се пријават оние кои  не го намалиле бројот на вработени во периодот од објавувањето на јавниот повик до поднесување на барањето за субвенционирано вработување, освен во случај на пензионирање или смрт.

Пријавувањето се врши во Центарот за вработување, а трае до 28- ми февруари