Шест лица повредени синоќа во сообраќајка на излезот од Гостивар

На магистралниот пат Гостивар-Кичево, на излезот од Гостивар, ноќеска околу 3 часот, се случила сообраќајна несреќа во која учествувале двe патнички возила: „Пасат“ со албански регистерски таблици, управувано од 40-годишниот албански државјанин Г.Х. и „Опел зафира“ со гостиварски таблици, што го управувал 21-годишниот гостиварец Д.И., соопшти полицијата

Во несреќата, двајцата возачи и четворица сопатници од двете возила се здобиле со телесни повреди. Со медицинско возило биле пренесени во гостиварската болница и по укажана помош, пуштени на домашно лекување.

СВР информира дека според првичните сознанија од увидот, вкупната материјална штета во оваа сообраќајна несреќа се проценува на 100 илјади денари. Причината и околностите се утврдуваат.