Што значи ако ви се наежува кожата кога слушате музика?

Ако се наежите кога ќе слушнете некоја песна, тогаш вашиот мозок е поинаков од оние кои немаат такви реакции.

Бившиот студент на Хардвард Метју Сакс ја проучувал оваа појава на 20 негови колеги, од кои десет имале посебна реакција на кожата кога ќе слушнеле одредена песна. Тој открил дека тие испитаници имаат различна структура на мозокот од оние на кои музиката не им предизвикува никакви реакции. Анализите покажале дека таквите личности имаат погусти влакна кои ги поврзуваат слушниот кортекс и делот на мозокот кој ги обработува емоциите, поради што нивната комуникација е подобра.

Со оглед на тоа дека студијата е направена на мал број испитаници, Сакс сега прави пообемно истражување во кое ќе се фокусира на активноста на мозокот за време на слушање музика, надевајќи се дека ќе дојде до позитивни резултати со музика да може да помогне во лечењето на психолошки пореметувања.