Со сучење на врвката почнаа чествувањата на Водици во Гостивар

Со сучење на врвката за градскиот крст започнаа традиционалните богојавленски чествувања во Гостивар. Во пресрет на големиот православен празник Богојавление-Водици, според вековните обичаи и традиции, денес на празникот Василица, се собраа жените и ја сучеа врвката со која се врзува светиот крст со конец во црвена и бела боја. Обичајот се направи утрово  во дворот на црквата „Успение на Пресвета Богoродица“, а во чинот учествуваа гостиварки од сите генерации, со почит и радост кон празнувањето.

На денот Водици, 19 јануари во Гостивар литијата од пред црквата ќе тргне во 11.30 часот, а светиот крст ќе биде положен во водите на Вардар.